SOCAR mayın əvvəlində istiqraz sahiblərinə ikinci faiz ödənişi edəcək

"SOCAR-2026 istiqrazlarının sahiblərinə mayın ilk həftəsində 1,125 milyon ABŞ dolları məbləğində faiz ödəniləcək və bu vəsait istiqraz sahiblərinin bank hesablarına köçürüləcəkdir. Beləliklə, investorlara faizlər üzrə ödənilən ümumi məbləğ 2,25 milyon dollar təşkil edəcək”, - məlumatda deyilir.

Şirkətdən onu da bildirdilər ki,  SOCAR istiqrazlarının sahiblərinə qalan 18 ödəniş üzrə ümumilikdə 20,25 milyon dollar ödəniləcək.

 2021-ci il noyabrın 1-də Bakı Fond Birjasında SOCAR-ın AZ2002019894 dövlət qeydiyyat nömrəli, 5 il tədavül müddətli, 100 milyon ABŞ dolları məbləğində istiqrazlarının yerləşdirilməsi üzrə hərrac başa çatıb.  Təqdim edilmiş sifarişlərin həcmi 380,614 milyon dollar təşkil edib, kupon dərəcəsi 4,5% olub. Bu istiqrazlar üzrə faizlər rübdə bir dəfə ödəniləcək.

Emissiya nominal dəyəri 1000 ABŞ dolları olan 100 000 istiqraza bölünüb.

Noyabrın 2-də BFB-nin ticarət platforması vasitəsilə SOCAR istiqrazları təkrar bazarda yerləşdirilib.

 SOCAR istiqrazların yerləşdirilməsindən əldə edilən vəsaitin Bakı Neft Emalı Zavodunun yenidən qurulması, Karbamid zavodunun tikintisi kimi layihələr üzrə  öhdəliklərin maliyyələşdirilməsinə sərf etməyi planlaşdırılıb.

SOCAR 2016-cı ilin sentyabrında daxili bazarda 100 milyon ABŞ dolları məbləğindəbeşillik istiqrazların ilk emissiyasını həyata keçirib. Şirkətin istiqrazları üçün müraciətlər 203,4 milyon dolları keçib.Bu qiymətli kağızların ödəmə müddəti 2021-ci il oktyabrın 18-də başa çatıb. İstiqraz sahibləri cəmi 25 milyon dollar gəlir əldə edib.