İlin sonuna kimi Rusiyada neft hasilatı azala bilər

Rusiyada neft hasilatı 2022-ci ilin sonuna kimi 524 milyon tondan 480-500 milyon tona düşə bilər. Bunu Rusiya Federasiyası baş nazirinin müavini Aleksandr Novak deyib.

Onun sözlərinə görə, hökumət apreldə hasilatın azalmasından sonra tədricən bərpa olunacağını gözləyir.


Aprelin əvvəlində Rusiyada neft hasilatının azalması martın eyni dövrü ilə müqayisədə 6% təşkil edib. Ayın sonuna bu göstərici 9%-ə yüksəlib. 2022-ci ilin mart ayından etibarən Rusiya Ukraynadakı vəziyyətə görə böyük anti-Rusiya sanksiyaları ilə üzləşib. Söhbət ondan gedir ki, sanksiyalar Rusiyada xam neftin kəşfiyyatı, hasilatı və emalına investisiya qoyuluşunu qadağan edib.


Mayın 12-də Beynəlxalq Enerji Agentliyinin (IEA) 2022-ci ilin aprelində qlobal neft hasilatı Rusiyanın hasilatı azaltması səbəbindən gündəlik 98,1 milyon barelə qədər azaldığını bildirib. Sənəddə göstərilirdi ki, OPEC+-ın Yaxın Şərq və ABŞ-dan artan həcmləri sayəsində Rusiya tədarükləri ilə bağlı kəskin qıtlığın qarşısını almaq olar.(TACC)

www.anews.az