Azərbaycan Bolqarıstana nə qədər qaz ixrac edəcək?

"Biz TAP-ın genişləndirilməsi çərçivəsində IGB-nin kommersiya istismarına verilməsini və Bolqarıstana qaz ixracını müzakirə etdik. Proqnozlara görə, 2022-ci ilin  sonuna qədər Bolqarıstana təxminən 600 milyon kubmetr qaz ixrac ediləcək", - nazir  yazıb.

Azərbaycan qazının Cənub Qaz Dəhlizi vasitəsilə Avropaya nəqlinə 2020-ci il dekabrın 31-dən başlanılıb. Lakin interkonnektor (İGB) olmadığından Azərbaycan qazının Bolqarıstana ixrac həcmi nəzərdə tutulduğundan bir neçə dəfə az olub. İldə 1 milyard kubmetr əvəzinə bu ölkəyə 250-300 milyon kubmetr qaz ixrac edilib. 

Energetika Nazirliyinin məlumatına görə, hazırda Bolqarıstana verilən qazın gündəlik həcmi  2,6 milyon kubmetr təşkil edir.  

2021-ci ildə Azərbaycan qazının ixracı 22 milyard kubmetr qaz təşkil edib, 2022-ci ildə ixracın həcminin 24 milyard kubmetrə qədər artırılması nəzərd tutulub. 

2022-ci il martın sonunda operator IGB elan etdi ki, IGB artıq Bolqarıstana ilk dəfə Azərbaycandan qaz əldə etmək imkanı verəcək Trans-Adriatik Qaz Boru Kəmərinə (TAP) qoşulub.

IGB-nin istismara verilməsi ilə birlik ilkin olaraq Bolqarıstanı ildə 1 milyard kubmetr qazla təmin edəcək, daha sonra isə layihə gücü ildə 3 milyard kubmetr qaza kimi artırılacaq. 

TAP-ın ümumi uzunluğu 878 km-dir ki, bunun da 550 km-i Yunanıstanın şimal hissəsindən, 215 km-i Albaniya ərazisindən, 105 km-i Adriatik dənizindən, 8 km-i İtaliya ərazisindən keçir. TAP Cənub qaz dəhlizi  layihəsinin sonuncu komponenti - Azərbaycan qazının Avropaya nəqli üçün infrastrukturdur.

Qaz kəməri "Şahdəniz” yatağının işlənməsinin "Mərhələ-2” çərçivəsində Yunanıstan və Albaniya ərazisindən keçməklə Qərbi Avropaya ildə 10 milyard kubmetr təbii qazın nəqli üçün nəzərdə tutulub. Qaz kəmərinin ötürmə qabiliyyəti onu iki dəfə - ildə 20 milyard kubmetrə qədər artırmağa imkan verir.