Azərbaycanda qaz itkiləri azalıb - Ruslan Əliyev

Onun sözlərinə görə, 2022-ci ilin yanvar-oktyabrında Azəriqaz İstehsalat Birliyi tərəfindən 5 milyard 435 milyon kubmetr qaz satılıb.  

"2022-ci ilin yanvar-oktyabrında Azəriqaz İstehsalat Birliyi tərəfindən 5 milyard 435 milyon kubmetr qaz satılıb. Onun 2,768 milyard kubmetri əhali sektoruna, 2,676 milyard kubmetri isə qeyri əhali sektoru üzrə abonentlərin payına düşüb", - Ruslan Əliyev Anews.az-a  verdiyi müsahibədə deyib. 

Onun sözlərinə görə, istilik mövsümü başladığından noyabrın 15-dən ölkədə  qaz istehlakı artıb və gündəlik ümümi 25-26 kubmetr təşkil edir.  

Əliyev həmçinin bildirib ki, İB-nin satdığı qazın maya dəyəri hər 1 min kubmetr üçün 160 manat təşkil edib. 

"Qazın maya dəyərinin əhali və ya qeyri-əhali abonentləri arasında bölgüsü olmur. Cari ilin 9 ayının nəticəsinə əsasən 1000 kub metr qazın ümumi maya dəyəri 169 manat (ƏDV-siz) təşkil edib. Əhali və qeyri-əhali abonentlərinə verilən qazın satış qiyməti isə Tarif Şurasının müəyyən etdiyi tariflər əsasında müəyyən olunur",  - Əliyev bildirib. 

Onun sözlərinə görə, cari ilin 10 ayında 5 milyard 836 milyon kub metr təbii qaz qəbul olunub.

Qəbul olunmuş qaz həcminin 1 milyard 968 milyon kub metri sənaye xətləri üzrə, 3 milyard 868 milyon kub metri əhali xətləri üzrədir. 2021-ci ilin 10 ayı ilə müqayisədə qazın qəbulunda 197,9 milyon kub metr artım olub, ondan cari ilin 10 ayında keçən illə müqayisədə əhali xətləri üzrə azalma   139,5 milyon kub metr, sənaye xətləri üzrə artım  337,4 milyon kub metr olub.

10 ay ərzində "Azəriqaz" İB-nin yeni abonentlərin sayı 62 min nəfər olub.