Neftin qiyməti sabitləşir

Bazar, Çində yanacağa tələbat perspektivləri ilə bağlı treyderlərin artan nikbinliyi ilə dəstəklənir.

 

Bloomberg-in məlumatına görə, Çin şirkətləri Ay təqviminə görə, bu dəfə yanvarın sonuna təsadüf edən Yeni il münasibətilə uzun bayramlar öncəsi aktiv şəkildə neft alırlar.

"İnvestorlar enerji inventar məlumatlarından daha çox qlobal tələb mənzərəsinə diqqət yetirirlər.Diqqət birinci rübdə neft istehlakının artımının əsas təkanvericisi olacağı ehtimal edilən Çinə yönəlib,"  - Tortoise portfelinin meneceri Brayan Kessens deyib.

Londonun ICE Futures birjasında cümə axşamı saat 9:10-a Brent markalı neftin mart fyuçerslərinin qiyməti bir barel üçün 82,7 dollar təşkil edir ki, bu da əvvəlki sessiyanın bağlanış qiymətindən 0,03 dollar (0,04%) çoxdur. Çərşənbə günü ticarət nəticəsində bu kontraktlar 2,57 dollar (3,2%) artaraq 82,67 dollar/barelə çatıb.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin fevral ayı fyuçerslərinin qiyməti bu dəfə 0,02 dollar (0,03%) artaraq bir barelə görə 77,43 dollar təşkil edib. Əvvəlki ticarətin sonuna bu müqavilələrin dəyəri 2,29 dollar (3,1%) artaraq 1 barrel üçün 77,41 dollar olub. 

ABŞ-ın kommersiya neft ehtiyatları keçən həftə 18,96 milyon barel artaraq 439,61 milyon barrelə çatıb. Bu barədə ölkənin  Enerji Departamenti bildirib.

 

Bloomberg-in sorğusuna qatılan ekspertlər orta hesabla ABŞ ehtiyatlarının 2 milyon barel, S&P Global Commodity Insights-ın respondentləri isə 500 min barel azalacağını gözləyirdilər.

Market Watch qeyd edir ki, neft ehtiyatlarının artmasını ABŞ neft emalı zavodlarının keçən ayın sonunda şaxta səbəbindən istehsalı müvəqqəti azaltmaları  ilə əlaqələndirirlər.  Cari inventar səviyyəsi beş illik orta göstəricidən təxminən 1% yuxarıdır.