Azərbaycan əhalisi istehlak xərclərini artırıb

Dövlət Statistika Komitəsindən verilən məlumata görə, hesabat dövründə əhalinin ərzaq məhsulları, içkilər və tütün məmulatlarının alınmasına çəkdiyi xərclər 2,4 milyard manat (2022-ci ilin yanvar ayı ilə müqayisədə 2,9 faiz artıb), qeyri-ərzaq mallarının alınmasına 1,9 milyard manat (2022-ci ilin yanvar ayı ilə müqayisədə artım 3,6 faiz) olub. 

Komitədən verilən məlumata görə, pərakəndə satış şəbəkəsində istehlak xərclərinin 50,5 faizi ərzaq məhsulları, 5,3 faizi içkilər və tütün məmulatları, 14 faizi toxuculuq məhsulları, geyim və ayaqqabılar, 4,8 faizi avtomobil benzini və dizel yanacağının payına düşüb. , 4,5 faizi - elektrik cihazları və mebel, 2,8 faizi əczaçılıq və tibb məhsulları, 0,9 faizi kompüter, telekommunikasiya və poliqrafiya avadanlıqları, 17,2 faizi digər qeyri-ərzaq mallarının payına düşüb.

2022-ci ilin yanvarı ilə müqayisədə 2023-cü ilin yanvarında pərakəndə əmtəə dövriyyəsi real ifadədə müəssisələr üzrə 1,4 faiz, bazar və yarmarkalarda 2,5 faiz, fərdi sahibkarlar üzrə 3,9 faiz artıb.

Yanvarda əhalinin hər nəfərinə ərzaq, içkilər və tütün məmulatlarının alınmasına 236,9 manat, qeyri-ərzaq mallarının alınmasına 187,4 manat xərclənib.

2022-ci ilin sonunda əhali istehlak mallarının alınmasına xərcləri 3,1% artırıb.