Azərbaycanda ÜDM 0,7% artıb

2023-cü ilin birinci yarısının yekunlarına görə, Azərbaycanda ÜDM 0,5% artıb.

 

Bu ilin yanvar-iyulunda qeyri-neft-qaz sektorunda ÜDM istehsalı 3,4% artıb, neft-qaz sektorunda isə 2,2% azalıb. 

ÜDM-in strukturunda sənaye 42,8 faiz, ticarət və nəqliyyat vasitələrinin təmiri 9,4 faiz, nəqliyyat və anbar təsərrüfatı 6,1 faiz, kənd və meşə təsərrüfatı, balıqçılıq 6 faiz, tikinti 4,9 faiz, turistlərin yerləşdirilməsi və iaşə obyektləri - 2,3 faiz, informasiya və rabitə sektoru üzrə - 1,6 faiz, digər sektorlar üzrə - 17,7 faiz təşkil edib.

Vergilərin ÜDM-də xüsusi çəkisi 9,2% olub.

Yanvar-iyulda adambaşına düşən ÜDM 6938,8 manat təşkil edib.

Azərbaycanın 2023-cü il üçün ÜDM artımının yenilənmiş proqnozlara əsasən 1,8% olacağı gözlənilir. O cümlədən qeyri-neft sektorunda  4,9% artım , neft sektorunda 1,5% azalma proqnozlaşdırılır.

2022-ci ildə Azərbaycanda ÜDM-in artımı 4,6%, o cümlədən qeyri-neft-qaz sektorunun artımı 9,1% təşkil edib.