Azərbaycanın dövlət büdcəsinə vergi borcları artıb

"Yanvar-iyunda Azərbaycanın dövlət büdcəsinə vergi borcları 404,2 milyon manat (16,8 faiz) artaraq 2 milyard 806,9 milyon manata çatıb", - hesabatda göstərilib. 

Palatadan verilən məlumata görə, vergi borclarının strukturunda 7,2%-i neft-qaz sektorunun, 92,8%-i isə qeyri-neft-qaz sektorunun payına düşüb. Bununla yanaşı, cari ilin yanvar-iyununda  neft-qaz sektorunda vergi ödəyicilərinin borcları 2,4 dəfə, qeyri-neft-qaz sektorunda 12,4 faiz artıb.

Qeyri-neft-qaz sektorunun strukturunda vergi borcları aşağıdakı kimi formalaşıb -  özəl sektor - 2 milyard 213,5 milyon manat, xarici şirkətlər - 165,4 milyon manat, dövlət şirkətləri - 176,8 milyon manat, birgə müəssisələr - 48,4 milyon manat manat, bələdiyyələr -  0,1 milyon manat. 

2022-ci ildə Azərbaycanın dövlət büdcəsinə vergi borcları 24,2% artıb.

 

Ötən ilin sonunda 92,5 min vergi ödəyicisinin vergi borcu olub.