Türkiyə Mərkəzi Bankı uçot dərəcəsini qaldırıb

Avqustun 24-də Türkiyənin uçot dərəcəsi 7,5 faiz bəndi artırılaraq 17,5 %-dən 25 %-ə qaldırılıb. Bu barədə Türkiyə Mərkəzi Bankı (TMB) məlumat yayıb.

 

Türkiyə Mərkəzi Bankı iyununda 2021-ci ildən ilk dəfə olaraq uçot dərəcəsini 8,5%-dən 15%-ə qədər artırıb. İyulda isə uçot dərəcəsi 15%-dən 17.5 %-ə kimi artırılıb.
 
Türkiyədə faiz dərəcəsi 2021-ci ilin sentyabrından bəri ən yüksək səviyyəyə çatıb. Türkiyə Mərkəzi Bankının əvvəlki iclasında da faiz dərəcəsi dərhal 6,5 faiz bəndi artırılmışdı.

  

Azərbaycanda Mərkəzi Bank uçot dərəcəsini dəyişməyərək 9 %  səviyyəsində saxlayıb. Bu barədə Azərbaycan Beynəlxalq Bankı məlumat verib. 
 
"Azərbaycan Respublikası Mərkəzi Bankının İdarə Heyətinin qərarı ilə uçot dərəcəsi 9%, faiz dəhlizinin aşağı həddi 7.5%, faiz dəhlizinin yuxarı həddi isə 10% səviyyəsində dəyişməz saxlanılmışdır", - məlumatda bildirilib.