Azərbaycanda 72 dövlət əmlakı hərraca çıxarılır
29.08.2023 17:02
Azərbaycanda 72 dövlət əmlakı hərraca çıxarılır. Bu barədə İqtisadiyyat Nazirliyi yanında Əmlak Məsələləri Dövlət Xidməti məlumat yayıb.
Bildirilib ki, sentyabrın 19-da təşkil olunacaq hərraca 12 kiçik dövlət müəssisəsi və obyekti, 18 avtomobil çıxarılacaq.
Sentyabrın 26-da keçiriləcək hərraca isə 42 nəqliyyat vasitəsi satışa çıxarılacaq. Avtomobillərin istehsal tarixi 2005-2014-cü illər arasında dəyişir",- qurumdan bildirilib.
2023-cü ilin yanvar-iyulunda Azərbaycanın dövlət büdcəsinə özəlləşdirmədən və dövlət əmlakından daxilolmalar 69 milyon manat (cari məzənnə ilə 40,58 milyon ABŞ dolları) təşkil edib.
2023-cü ilin yanvar-iyulunda dövlət əmlakının özəlləşdirilməsindən dövlət büdcəsinə daxilolmalar 69 milyon manat olub ki, bu da ötən ilin müvafiq dövründən 2 dəfə çoxdur", - xidmətdən bildirilib.
2023-cü ilin yanvar-iyulunda dövlət əmlakının özəlləşdirilməsi üzrə 31 hərrac keçirilib. Hərraclarda 8 səhmdar cəmiyyətinin, 11 kiçik dövlət müəssisəsinin, iki köməkçi tikinti sahəsinin və 303 minik avtomobilinin səhmləri özəlləşdirilib.
Bundan əlavə, hesabat dövründə 28 faydalı qazıntı yatağı hərrac yolu ilə sahibkarların istifadəsinə verilib.
Aytac Zeynalova
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
İqtisadiyyat 11:53
PAŞA Bank 12-ci AMFA Konfransında maliyyə inklüzivliyinin genişləndirilməsi imkanlarını müzakirə edib
Foto
Video
