Dövlət neft fondunun gəlirləri artıb

Cari ilin ilk 7 ayında Böyük Britaniyanın BP şirkətinin operatorluğu ilə istismar edilən AÇG blokundan mənfəət neftin satışından əldə edilən gəlir 3 milyard 607,7 milyon dollar olub ki, bu da ötən ilin eyni dövrü ilə müqayisədə 13,2% çoxdur.  

"Şahdəniz" yatağından hasil edilən mənfəət qazın satışından əldə edilən gəlir isə 2024-cü ilin yanvar-iyulunda  250,587 milyon dollar olub. Bu da ötən ilin eyni dövrünün göstəricisindən  3,5 dəfə çoxdur. 

Şahdənizdən hasil edilən kondensatın satışından əldə olunan gəlir 113,878 milyon dollar və ya keçən ilin 7 ayından 2,3 dəfə çox olub. 

 

Azərbaycan Neft Fonduna neft və qaz müqavilələrinin icrasından, xüsusilə də mənfəət neftinin və qazının satışından, neftin və qazın ölkə ərazisindən daşınması üçün tranzit tariflərindən, dövlət əmlakının icarəsindən və s. gəlirlər toplanır.