Əhalinin yanacaq xərcləri artıb

2025-ci ilin iki ayında ölkədə pərakəndə ticarət şəbəkəsində istehlakçılara 523,1 min manatlıq avtomobil benzini və dizel yanacağı satılıb. Bu, da ötən ilin eyni dövrü ilə müqayisədə 6,7 % çoxdur. Bu barədə Dövlət Statistika Komitəsi məlumat yayıb.

Cari ilin fevralında alıcıların son istehlak məqsədilə aldıqları mallara xərclədiyi vəsaitin 5,7 %-i avtomobil benzini və dizel yanacağı olub.

Hazırda Azərbaycanın daxili bazarında "Premium Euro-95” markalı benzinin pərakəndə satış qiyməti 1 litr üçün 2 manat, "Super Euro-98” markalı benzinin pərakəndə satış qiyməti 2,3 manat, Aİ-92 markalı benzinin pərakəndə satış qiyməti  0,8 manatdır.

2023-cü ildə Azərbaycanda yanacaq istehlakçıları ümumilikdə 3 milyard 63,4 milyon manatlıq (indiki məzənnə ilə 1 milyard 802 milyon ABŞ dolları) avtomobil benzini və dizel yanacağı alıblar ki, bu da 2022-ci illə müqayisədə 8,1% çoxdur.

Aytac Zeynalova