Dünyanın ən varlı insanları ABŞ-ın rüsumlarından sonra bir gündə 208 milyard dollar itirib

ABŞ prezidenti Donald Trampın elan etdiyi idxal tariflərinin qlobal bazarlarda kəskin ucuzlaşmaya səbəb olmasından sonra dünyanın 500 ən varlı şəxsinin ümumi sərvəti bir gündə 208 milyard dollar azalıb. Bu barədə Bloomberg məlumat yayıb.

Bu,   indeksin 13 illik tarixində dördüncü ən böyük bir günlük enişi və COVID-19 pandemiyasından bəri ən əhəmiyyətli eniş  hesab olunur.

Hesabatda qeyd olunub ki, siyahıdakı milyarderlərin yarısından çoxunun sərvətləri orta hesabla 3,3% azalıb.

Hesablamalar göstərir ki, ən çox amerikalı milyarderlər, xüsusilə də Meta Platforms Inc.baş direktoru Mark Zukerberq və Amazon-un qurucusu Ceff Bezos zərər çəkib.

Hesabata görə, Zukerberq Metanın səhmlərinin 9% azalması onun sərvətini 17,9 milyard dollar azaldıb. Amazon səhmləri də 9% ucuzlaşaraq Jeff Bezosun xalis sərvətini 15,9 milyard dollar azaldıb. Tesla-nın baş direktoru Elon Musk şirkətinin səhmləri 5,5% ucuzlaşdıqdan sonra 11 milyard dollar itirib.