Dənizlə daşınan yükdaşımalar artıb

2025-ci ilin birinci rübündə Azərbaycanda dəniz nəqliyyatı ilə daşınan yüklərin həcmi 2 210 min ton təşkil edib, bu da əvvəlki ilin müvafiq dövrünə nisbətən 14,2% artıb. Bu barədə Dövlət Statistika Komitəsi məlumat yayıb.

Hesabat dövründə daşınan yüklərin 46,8%-ni neft yükləri təşkil edib.

Cari ilin yanvar-martındaa dəniz limanları tərəfindən 3482,5 min ton həcmində yükləmə-boşaltma işləri həyata keçirilmiş və yüklərin 2 880,9 min tonunu və ya 82,7%-ni tranzit yüklər təşkil etib.

Bildirilir ki, hesabat dövrü ərzində bu nəqliyyat növü ilə daşınana sərnişinlərin sayı 2024-cü ilin müvafiq dövrünə nisbətən 4,8% azalaraq 5,9 min nəfər olub.

Dövlət Statistika Komitəsinin məlumatına görə, 2024-cü il mayın 1-nə limanlarda 228 min 100 ton yük qalıb. 

2022-ci ildə Azərbaycanın dəniz limanları ilə yüklərin daşınması 11 milyon 750,6 min ton (artım 32,4%) təşkil edib.

Azərbaycanın bütün limanları (Bakı, Astara, Lənkəran və Sumqayıt) Xəzər dənizinin sahilində yerləşir. Bakı limanının Dübəndi və Səngəçalda böyük neft terminalları var. Bundan əlavə, Ələt kəndində yeni Bakı Beynəlxalq Dəniz Limanının ərazisində 2014-cü ildə bərə terminalı, 2018-ci ilin yanvar ayında isə Ro-Ro terminalı istifadəyə verilib.

Aytac