Azərbaycan Mərkəzi Bankı: İqtisadi sabitlik sahəsində irəliləyiş əldə olunub

 Azərbaycanda inflyasiyanın Mərkəzi Bankın (AMB) hədəf diapazonunda saxlanılması, maliyyə sektorunun dərinliyinin artırılması və maliyyəyə çıxış imkanlarının genişləndirilməsi sahəsində mühüm irəliləyişlər əldə olunub. Bu barədə AMB sədri Taleh Kazımov bildirib.

O, iqtisadi artımın davamlılığı, sosial rifahın dəstəklənməsi və xarici-daxili şoklara qarşı dayanıqlığın artırılması üçün makroiqtisadi sabitliyin vacibliyini vurğulayıb.

Kazımovun sözlərinə görə, 2027–2030-cu illər üçün nəzərdə tutulan strategiyada makroiqtisadi və maliyyə sabitliyi üzrə siyasət çərçivələrinin təkmilləşdirilməsi əsas prioritetlərdən biridir.

İclasda strategiya çərçivəsində təklif olunan fəaliyyət istiqamətləri müzakirə olunub və işçi qrup üzvləri bu sahədə koordinasiyalı əməkdaşlığa çağırılıb.

Alt işçi qrupu Prezidentin 30 may 2025-ci il tarixli sərəncamına əsasən qəbul edilmiş strategiya və “Böyük Qayıdışa dair II Dövlət Proqramı”nın icrasını təmin etmək məqsədilə Nazirlər Kabinetinin 18 iyun 2025-ci il sərəncamı ilə yaradılıb.

Gülnar