2025-ci ilin 6 ayında Cənubi Qafqazda Gürcüstan bankları ən çox mənfəət qazanıb

 Rəsmi məlumatlara görə, 2025-ci ilin ilk yarısında Cənubi Qafqaz ölkələri arasında ən çox mənfəət Gürcüstan banklarının payına düşüb.

Ölkədə fəaliyyət göstərən 19 bankdan 15-i ili mənfəətlə başa vuraraq ümumilikdə 569,1 milyon dollar qazanıb ki, bu da ötən ilin eyni dövrü ilə müqayisədə 6% çoxdur.

Ermənistanda bankların mənfəəti ötən ilin ilk yarısı ilə müqayisədə 16,6% artıb. 17 bankdan 12-si mənfəət əldə edib və ümumi gəlir təxminən 513 milyon dollar təşkil edib.

Azərbaycanda isə 22 bankdan 21-i mənfəət əldə etsə də, ümumi mənfəət ötən ilin müvafiq dövrü ilə müqayisədə 6% azalaraq 339,2 milyon dollara düşüb.

2024-cü ilin yekununda Azərbaycan bankları 614 milyon dollar, Gürcüstan bankları 1,1 milyard dollar, Ermənistan bankları isə 914 milyon dollar mənfəət əldə edib.

N.Təbrizli