Azərbaycan regionunda unikal üstünlüyə malikdir

Azərbaycanın əsad üdtünlüyü infrastruktur, güclü insan resursları və dövlətlə qurulan tərəfdaşlıq ənənəsinin olmadıdır. Bunu BP regional prezidenti Giovanni Cristofoli bildirib. 

Onun sözlərinə görə, region həm texniki mütəxəssislər, həm də kommersiya sahəsində çalışan geniş və motivasiyalı kadr bazasına malikdir. 

“İnsanlar öyrənməyə, innovasiyaya və çətinlikləri həll etməyə hazırdırlar. Bu da gələcək inkişaf üçün mühüm təməl yaradır,” — o deyib.

Cristofoli Azərbaycan hökumətinin biznes və investisiya mühitinə açıq olduğunu, SOCAR-la əməkdaşlığın isə “eyni məqsədə — regionun inkişafına xidmət etdiyini” bildirib. 

O həmçinin təchizat zəncirində formalaşan güclü tərəfdaşlıq mühitini regionun “unikal üstünlüyü” adlandırıb.

BP rəsmisi bununla belə əsas çətinliyin “mindset” — çalışma yanaşması olduğunu vurğulayıb. 

“Növbəti 30–50 ilin enerji layihələrini keçmişdə olduğu kimi idarə etmək mümkün deyil. Texniki çətinliklər artır, təchizat zənciri daha mürəkkəbdir. Ona görə də biz çalışma tərzimizi dəyişməliyik,” — o bildirib.

N.Təbrizli