Azərbaycanda bahalaşma olub - ötən ay

Azərbaycanda istehlak mallarının qiymətləri və xidmət tarifləri noyabr ayında oktyabr ayı ilə müqayisədə 0,7%, yanvar-noyabr ayları ərzində ötən ilin müvafiq dövrünə nisbətən isə 2,3% bahalaşıb. “APA-Economics”in xəbərinə görə, bu barədə Dövlət Statistika Komitəsinin məlumatında deyilir. Oktyabr ayına nisbətən noyabr ayında ərzaq məhsullarının qiyməti 1,4% faiz, qeyri-ərzaq mallarının qiymətləri 0,1%, xidmət tarifləri 0,1% bahalaşıb. İlin əvvəlindən keçən vaxt ərzində ərzaq məhsullarının qiymətləri 2,2%, qeyri-ərzaq mallarının qiymətləri 0,6% və xidmət tarifləri 3,4% bahalaşıb.ANN.Az