Azərbaycan nefti ucuzlaşıb

“Azeri Light” neftinin bir barelinin qiyməti 1,03 ABŞ dolları və ya 0,94% azalaraq 108,16 dollar təşkil edib.

Hərracların nəticələrinə əsasən, “Brent” markalı neftin may fyuçersləri 103,31 dollar səviyyəsində qərarlaşıb. Türkiyənin **Ceyhan limanı**nda FOB bazasında “Azeri Light” neftinin qiyməti isə 1,01 dollar və ya 0,95% azalaraq 104,3 dollar olub.

Azərbaycanın 2026-cı il dövlət büdcəsində neftin bir barelinin orta qiyməti 65 dollar səviyyəsində götürülüb ki, bu da mövcud bazar qiymətlərindən xeyli aşağıdır.

 “Azeri Light” neftinin ən aşağı qiyməti 2020-ci il aprelin 21-də 15,81 dollar, ən yüksək qiyməti isə 2008-ci ilin iyulunda 149,66 dollar olub. Bu neft Azəri-Çıraq-Günəşli yataqlar bloku çərçivəsində hasil edilir və layihədə **SOCAR**nin payı 31,65% təşkil edir.