Gələn il Səngəçal terminalı tam elektrikləşdiriləcək

Gələn il neft və qaz terminalını tam elektrikləşdirilmiş şəkildə enerji ilə təmin edə bilinəcək. Bunu Azərbaycan Dövlət Neft Şirkətinin (SOCAR) vitse-prezidenti Əfqan İsayev “Bakı İqlim Fəaliyyəti Həftəsi 2026” (BCAW 2026) çərçivəsində çıxışı zamanı deyib.

O bildirib ki, SOCAR “Lightsource BP” şirkəti ilə birlikdə işğaldan azad edilmiş Cəbrayıl rayonunda 240 MVt gücündə günəş-fotoelektrik elektrik stansiyasının tikintisinə başlayıb.

Ə. İsayevin sözlərinə görə, layihənin əsas məqsədi regionun ən böyük neft və qaz terminalı olan Səngəçal terminalının elektrik enerjisi ilə təmin edilməsi və tam elektrikləşdirilməsidir.

SOCAR rəsmisi qeyd edib ki, bu məqsədlə Azərbaycanda ilk dəfə ötürücü sistem operatoru ilə virtual enerji ötürülməsi üzrə razılaşma imzalanıb.

Onun sözlərinə görə, terminalın elektrikləşdirilməsi nəticəsində yeddi kompressor istismardan çıxarılacaq. Bir neçə kompressor isə fövqəladə hallar üçün saxlanılacaq.

Aytac