Altı ayda xaricə 5 milyard dollarlıq birbaşa investisiya yatırılıb

2026-cı ilin ilk 6 ayında Azərbaycanın xaricə birbaşa investisiyalarının həcmi təxminən 5 milyard dollar təşkil edib. Bunu Azərbaycan Mərkəzi Bankının Statistika departamentinin direktoru Samir Nəsirov bildirib.

Onun sözlərinə görə, hesabat dövründə kapital və maliyyənin hərəkəti balansında 3 milyard dollarlıq kəsir yaranıb. Kəsirin əsas səbəbi xalis xarici maliyyə aktivlərinin 3,3 milyard dollar, xalis xarici maliyyə öhdəliklərinin isə təxminən 300 milyon dollar artması olub.

Nəsirov qeyd edib ki, kapital və maliyyənin hərəkəti balansının əsas komponentlərini birbaşa xarici investisiyalar, portfel investisiyaları və digər investisiyalar təşkil edir.

“Birbaşa xarici investisiyalar maddəsində xalis olaraq 4,4 milyard dollarlıq kəsir görürük. Bu dövrdə xaricə birbaşa xarici investisiyamız təxminən 5 milyard dollar təşkil edib”, - o bildirib.

Aytac