“Azərenerji”nin daha bir səlahiyyəti alındı

Bunu Lent.az-a açıqlamasında qurumun mətbuat xidmətinin rəhbəri Tanrıverdi Mustafayev bildirib. Onun sözlərinə görə, "Azərişıq” bütün regionlar üzrə tam səlahiyyətlərinin icrasına başlayır: "Azərişıq” ASC-nin Bakı şəhəri ilə birgə 7 regional idarəsi (Biri Bakıda, 6-sı regionlarda) yaradılacaq. Rayon elektrik şəbəkələri də həmin regional idarələrin tabeliyinə veriləcək”.

Dövlət başçısının "Azərişıq” ASC-nin yaradılması ilə bağlı sərəncamında qeyd edilir ki, respublika ərazisində "Azərenerji” Açıq Səhmdar Cəmiyyəti tərəfindən həyata keçirilən elektrik enerjisi ilə istehlakçıların təmin olunması fəaliyyətinin "Azərişıq” Açıq Səhmdar Cəmiyyətinə ötürülməsi, o cümlədən istehlakçıların elektrik enerjisi ilə təchizatı üçün zəruri olan və "Azərenerji” Açıq Səhmdar Cəmiyyətinin balansındakı əmlak və digər avadanlıqların "Azərişıq” Açıq Səhmdar Cəmiyyətinin balansına verilməsi üçün tədbirlər görsün.

Qaydalara uyğun olaraq, "Azərişıq” Açıq Səhmdar Cəmiyyətinin yeni Nizamnamələrinin və strukturlarının layihələrini hazırlanıb, hökumətə təqdim edilib. Bu barədə dövlət başçısının sərəncamında Nazirlər Kabinetinə xüsusi tapşırıq var.

Bununla da, "Azərnerji” ASC-nin tabeliyində olan rayon elektrik şəbəkələri (işıq idarələri) adıçəkilən ASC-dən alınaraq, "Azərişıq” ASC-nin tabeliyinə verilir.  İnanırıq ki, "Azərişıq” üzərinə qoyulan bu böyük işin öhdəsindən layiqincə gələcək. Çünki o, öz fəaliyyəti ilə bunu sübuta yetirib. Belə ki qısa bir müddətdə Bakıda 26 ədəd 110 kv-luq yarımstansiya, 71 ədəd 35 kv-luq yarımstaniya istifadəyə verilib. Texniki itkilərin sayı 16.98 faizdən, 8.2 faizə qədər azaldılıb. Paytaxtda enerji ilə bağlı problem yoxdur. Bu, olduqca uğurlu fəaliyyətdir.

Qeyd edək ki, prezident İlham Əliyev ötən ayın 10-da "Azərişıq” Açıq Səhmdar Cəmiyyətinin yaradılması ilə bağlı sərəncam imzalayıb.