Türkiyə prezidenti Rəcəb Tayyib Ərdoğan Beynəlxalq Cinayət Məhkəməsinin (ICC) İsrailin baş naziri Benyamin Netanyahunun həbsinə order verilməsi ilə bağlı qərarını cəsarətli adlandırıb və onun həyata keçirilməsinin vacibliyini qeyd edib.

"Biz beynəlxalq səviyyədə bütün qüvvələrimizi Fələstin dövlətini tanımaq üçün səfərbər etmişik. Mən ICC-nin Netanyahu və keçmiş müdafiə naziri Qalan üçün həbs orderi vermək qərarına dəstəyimizi ifadə etmək istərdim. Bu cəsarətli qərarın həyata keçirilməsinin vacib olduğuna inanırıq”, - deyə Ərdoğan İstanbul Beynəlxalq Sərgisində bildirib.

 

Aytac