Özbəkistan prezidentinin qızı Gülnarə Kərimova ölkəni tərk edəcəyi haqqında xəbərlərini yalanladı. ANS PRESS-in Rusiya mətbuatına istinadən verdiyi məlumata görə, o, “Tvitter”dəki mikrobloqunda bu haqqda yazıb:

“ Mən burdayam,burda! Kim ki olub, var, burdadı! Hara gedirəm?!”,-deyə istifadəçilərdən birinin ölkəni tərk edib-etməyəcək sualını cavablandırıb. 

“ Hörmətli xəbər agentlikləri xahiş edirəm heç olmasa hansı mənbədən məlumat yazdığınızı yoxlayın! Həm də ilkin mənbə var”,- deyə o, “İnterfaks”ın mesajına cavab verib.

Agentlik isə, xəbəri "Terra group" şirkətinin menecerindən aldığını bildirir.