"ICTnews” Elektron Xəbər Xidməti "Internetua” resursuna istinadən yazır ki, yoluxmuş əlavənin yüklənməsi zamanı qurğuya nüfuz edən zərərli proqram təminatı yaradıcı ona lazımi məlumatları toplamağı əmr etməyənədək özünü büruzə vermir. Virusun smartfon və server arasında rabitə əlaqəsi yaratmaqla qurğuda edilən bütün əməliyyatlar barədə informasiyanı ötürməsi böyük təhlükə törədir.

Mütəxəssislər bildiriblər ki, virus, həmçinin çıxış nöqtələri və lokal şəbəkələr haqqında məlumatlar toplamaqla müəssisə və şirkətləri risklə üz-üzə qoyur. Bu, bank hesabları məlumatlarını oğurlayan viruslardan da təhlükəli ola bilər. Hazırda "Google” mütəxəssisləri əlavələr mağazasında müvafiq təmizləmə işləri aparsalar da, qurğunun təhlükəsiz olmasına əmin olmağı tövsiyə edirlər.