Bir neçə gün Azərbaycan Dövlət Opera və Balet teatrında əfsanəvi fransız bəstəkarı Jorj Bizenin "Karmen" operasının təqdimatı keçirildi. Bu opera bəşəriyyətin sənət irsinin xəzinələrindən biri sayılır və melomanlar və musiqisevərlər arasında böyük populyarlığı var. Hər dəfə "Karmen" təqdim ediləndə böyük izləyici kütləsinin diqqətini cəlb edir. Bu tamaşa da istisna deyildi - bakılılar və şəhərimizin qonaqlarıbelə məşhur operanı izləmək imkanından özlərini məhrum etməmək qərarına gəlmişdilər. 

Azərbaycan opera və balet teatrının truppası yüksək səviyyəli heyətiylə fərqlənir. Əməkdar incəsənət xadimi Akif Məlikovun rəhbərliyi ilə teatrın əsas məqsədlərindən biri yerli artistlərinin ustalığını müntəzəm olaraq artırmaqdır. Bu iş təkcə onların səviyyə artırmaq üçün xaricə məzniyyətləriylə məhdudlaşmır, o cümlədən operaya xaricdən solistlər dəvət olunur ki, onlar öz təcrübə və biliklərini yerli artistlərlə paylaşsınlar. Yerli teatrın səviyyəsinin artmasında Akif Məlikovun əməyi böyükdür. "Karmen" operasına quruluş verilməsi də istisna deyildi. Baş rol olan Xose rolunu ifa etmək üçün teatra Ukraynanın milli operasının aparıcı solisti Andrey Romanenko dəvət olunmuşdu. Karmen rolunu isə gənc və istedadlı azərbaycanlı artist, möhtəşəm sopranaya sahib Çinarə Şirin ifa edirdi. 

Tamaşada həmçinin Azərbaycan opera və balet teatrının solistləri - xalq artisti, Əli Əskərov (Suniqo partiyası), Azərbaycanın əməkdar artistləri İnarə Babayeva (Mikaella partiyası), Səbinə Əsədova (Mersedes partiyası), Gülnaz İSmayılova (Fraskita partiyası) və Anton Ferşandt (Eskamilio partiyası) rol oynayırdılar. 

Azərbaycan opera və balet teatrının dirijoru Eyyub Quliyevin rəhbərlik etdiyi orkestrin parlaq çıxışını da xüsusi qeyd etmək lazımdı. 

Tamaşa o qədər uğurlu keçmişdi ki, bitdikdən sonra auditoriya onları uzun müddət buraxmadı, onları gurultu alqışlara qonaq etdilər. 

Beləliklə, teatrın may açılışını uğurlu hesab etmək olar. Bu, onu göstərir ki, Bakıda yüksək səviyyədə tamaşalara quruluş verilir və təqdim edilir. Paytaxt sakinlərini də bu zövqdən məhrum olmamağa, şəhərimizin mədəni hadisələrinə biganə qalmamağı tövsiyyə edirik. 

Elm, təhsil, maarif və mədəniyyəti təbliğ edən ANN.Az portalı Bakıda baş tutan mədəni hadisələri işıqlandırmaqda davam edir. Bu dəfə oxucularımıza "Karmen" operasından fotoları təqdim edirik. 

Xoş seyrlər: