Litva və Polşa hərbçiləri NATO müttəfiqlərinin iştirakı ilə Suvalki dəhlizi adlanan ərazidə təlimlər keçirir.Bu barədə Litva ordusunun komandanlığı məlumat yayıb.
Təlimlərdə Samogitiya motoatıcı briqadası və müttəfiq birləşmələrdən 1,5 min hərbi qulluqçu, həmçinin 200-ə yaxın hərbi texnika iştirak edir.
Aprelin 26-dək davam edəcək manevrlərdə NATO müttəfiqlərinin bölmələri müdafiə xarakterli hərbi əməliyyatların planlaşdırılması və idarə edilməsi üzrə briqada səviyyəli qərargahlara təlim keçəcək.
Suvalki dəhlizi Rusiyanın Kalininqrad vilayəti və Belarusun Qrodno vilayəti ilə bitişik, uzunluğu təxminən 64 km olan Litva-Polşa sərhədinin strateji əhəmiyyətli hissəsidir. Dəhliz bağlansa, Litva Qərbi NATO tərəfdaşlarından təcrid olunacaq.
www.anews.az
Bizi sosial şəbəkələrdə izləyin !
