Həmçinin bildirilib ki, tranzit yönümlü inkişaf yanaşmasına uyğun olaraq, əlavə mərkəzi funksiyaları öz üzərinə götürməsı üçün "Yeni Qala" dəmir yolu stansiyasının yaxınlığında geniş çoxtəyinatlı (qarışıq istifadə) ərazilərin inkişafı nəzərdə tutulur.

 

Hazırda ölkə üzrə Pirşağı-Sumqayıt, Sabunçu-Pirşağı, Bakı-Sabunçu, Bakı-Xırdalan-Sumqayıt, Ləki-Qəbələ, Gəncə-Ağstafa dəmiryolu xətləri fəaliyyət göstərir.
 
COVID-19 pandemiyası ilə əlaqədar bağlanan Astara (Azərbaycan)-Astara (İran) dəmiryolu xətti fəaliyyətini hələ də bərpa etməyib. 

 

2023-cü ilin dekabrın 12-də "Azərbaycan Dəmir Yolları” QSC-nin sədri Rövşən Rüstəmov Cənub İstiqamətində yol infrastrukturunun durumunun keyfiyyətli xidmət göstərməyə imkan vermədiyini əsas gətirərək bu istiqamətdə qatarların fəaliyyətinin mümkünsüz olduğunu açıqlayıb. 

 

Azərbaycan Dəmir Yollarının sədri həmçinin vurğulayıb ki, hazırda Ağdamda dəmir yolunun tikilməsi istiqamətində işlər aparılır.