İtaliyanın Milan şəhərinin "Teatro Filodramattici" teatrında Xocalı faciəsinə həsr olunmuş "Xocalıda Qırmızı Mələk" tamaşası səhnələşdiriləcək.
APA-nın xəbərinə görə, Lent.az-ın "Əsir düşərgəsi" layihəsinin epizodları əsasında hazırlanmış tamaşanın rejissoru Nihad İsadır.
Tamaşada tanınmış italyan aktyorları yer alıb. Tamaşa italyan dilində olacaq.
Azərbaycan prezidenti yanında QHT-lərə Dövlət Dəstəyi Şurasının dəstəyi ilə gerçəkləşəcək tamaşadan başqa, Milanda Xocalı faciəsinə həsr olunmuş sərgi də keçiriləcək. Sərgidə faciənin ağrılarını əks etdirən 40-a yaxın foto yer alacaq.
Bu gündən etibarən isə Milan şəhər nəqliyyatına məxsus 200-dək nəqliyyat vasitəsi xəttə Xocalı faciəsi haqqında stikerlərlə çıxıblar.
Şəhərin izdihamlı yerlərində faciə ilə bağlı bukletlər də paylanır.
ANN.Az
Bizi sosial şəbəkələrdə izləyin !