Rusiya Federal Təhlükəsizlik Xidməti (FTX) Moskva vilayətinin Ximki şəhərində paytaxt Moskvada vətəndaşları kütləvi şəkildə güllələməyə və Suriyada terrorçuların sıralarına qoşulmağa hazırlaşan terrorçunu zərərsizləşdirib.
Anews.az "Report”un Rusiya bürosuna istinadən verdiyi məlumata görə, bu barədə FTX-nin mətbuat xidmətindən bildiriblər.
Qeyd olunub ki, güc strukturları nümayəndələri Ximkidə tərk edilmiş qarajlar olan ərazidə şübhəli şəxs aşkar ediblər.
O, saxlanılacağını və sorğu-sual ediləcəyini anlayınca qarşı tərəf atəş açıb. Cavab atəşi ilə silahlı məhv edilib. Şəxsin üzərində baxış keçirilərkən avtomat silah və qumbara aşkar olunub.
www.anews.az
Bizi sosial şəbəkələrdə izləyin !
