AŞPA məruzəçisi Azərbaycana səfər edəcək

Səfərin məqsəd "Azərbaycanın sərhəd rayonlarının sakinlərinin qəsdən içməli sudan məhrum edilməsi” mövzusunda hesabat hazırlamaqdır

AŞPA-nın məruzəçisi Milisa Markoviç Azərbaycana səfər edəcək.

APA-nın qurumun saytına istinadən verdiyi xəbərə görə, səfər 24-27 avqust tarixlərində həyata keçiriləcək. Səfərdə məqsəd "Azərbaycanın sərhəd rayonlarının sakinlərinin qəsdən içməli sudan məhrum edilməsi” mövzusunda hesabat hazırlamaqdır. Səfər müddətində məruzəçi xarici işlər, ekologiya və təbii sərvətlər və kənd təsərrüfatı nazirləri ilə görüş planlaşdırır.

Həmçinin Azərbaycanın AŞPA-dakı nümayəndə heyəti, Dövlət Su Resursları Agentliyinin, Dünya Bankı və vətəndaş cəmiyyəti üzvləri ilə görüşlər də nəzərdə tutulur. Milisa Markoviş  Ağdam, Ağcabədi, Bərdə, Goranboy, Tərtər və Yevlax rayonların yerli icra hakimiyyəti rəhbərləri ilə də görüşəcək. O sonuncu dəfə Azərbaycana 2014-cü ilin dekabrında belə faktaraşdırıcı səfər edib.

www.ann.az