"Ermənistan Azərbaycana qarşı silahlı təxribat törədib. Təmas xəttində yerləşən mövqelərimizə hücum çəkiblər. Təmas xəttinə yaxın yerlərdə yerləşən yaşayış məntəqələrini atəşə tutublar. Bu silahlı təxribat nəticəsində itkilərimiz olub, hərbiçilərimiz və mülki şəxslər həlak olub".
"Report"un xəbərinə görə, bunu Prezident İlham Əliyev Azərbaycan Prezidentinin yanında Təhlükəsizlik Şurasının iclasında deyib.
Dövlət başçısı Nazirlər Kabinetinə həlak olanların ailələrinə maddi yardım göstərilməsi üçün təkliflər irəli sürməyi tapşırıb: "Müdafiə Nazirliyi də döyüş əməliyyatlarında fərqlənən, vətən uğrunda qəhrəmancasına döyüşən insanları təltif etmək üçmün təkliflərini təqdim etsinlər. Bu Ermənistanın ölkəmizə qarşı növbəti silahlı təxribatıdır. Birinci dəfə deyil ki, Ermənistan bu cür təxribatlara əl atır. Bir neçə gün öncə Azərbaycan Ermənistan sərhədində Qazax istiqamətində də oxşar təxribat törədilib. Bizim mövqelərimizə Ermənistanın təxrinbatçı qrupları hücum çəkiblər. Bu hücum nəticəsində iki hərbiçimiz həlak olub. Düşmənə layiqli cavab verilib. Bu təxribat da Ermənistanın Azərbaycana qarşı məkrli siyasətinin təzahürüdür. Erməni təxribatı Azərbaycan Ordusu tərəfindən layiqli cavablandırıldı. Düşmənə çox böyük zərbələr endirildi, onlar böyük itkilər verdilər. Deyə bilərəm ki, düşmənə sarsıdıcı zərbə vuruldu".
www.ann.az
Foto
Video
