Lukaşeviç Qarabağda sülhməramlıların yerləşdirilməsindən danışdı

Dağlıq Qarabağa sülhməramlıların yerləşdirilməsinə dair qərara yalnız regionda siyasi tənzimləmə əldə edildikdən sonra keçmək olar.

Oxu.Az xəbər verir ki, bu barədə Rusiyanın ATƏT-də daimi nümayəndəsi Aleksandr Lukaşeviç BİA "Rusiya bu gün” təşkil etdiyi Moskva-Vena videokörpü zamanı bildirib.

"Yalnız siyasi tənzimləmədən sonra regionda sülhün dəstəklənməsi üçün sülhməramlı əməliyyatın müqəddiməsi ümumilikdə artıq çoxdan işlənib”, - o deyib.

Lukaşeviçin sözlərinə görə, Vyanada Yüksək səviyyəli planlaşdırma qrupu çalışır, burada hərbi ekspertlər gələcək mümkün sülhməramlı əməliyyatın parametrlərini tərtib edirlər.

"Onun necə, hansı formatda olacağını hələ müzakirə etmək lazımdır. Bu, hələ ki, xəritəyə hərbi ekspertlərin belə sülhməramlı əməliyyatın konfiqurasiyasını necə görünəcəyinə dair cizgilərdir”, - ATƏT-də Rusiya daimi nümayəndəsi qeyd edib.

O bildirib ki, "əgər iş buna çatsa, bu, əlbəttə ki, Yüksək səviyyədə qərarlar timsalında belə fəaliyyət üçün mandatının olmasına baxmayaraq, indiyə qədər heç bir yerdə sülhməramlı əməliyyatlar həyata keçirməyən ATƏT-in tarixi təcrübəsi olacaq”.
www.ann.az