​Azərbaycanın hökumət başçısı Gürcüstana gedir

Energetika Nazirliyinin mətbuat xidmətindən "Report”a verilən məlumata görə, Azərbaycanı bu mərasimdə baş nazir Artur Rasizadə və energetika naziri Natiq Əliyev təmsil edəcəklər.

Şərq-Qərb enerji dəhlizinin əsası Bakı-Supsa neft ixrac boru kəməri ilə qoyulub. 1996-cı il martın 8-də Azərbaycan və Gürcüstan arasında ilkin neftin Gürcüstan ərazisindən nəqlinə dair hökumətlərarası sazişin imzalanması ilə Bakı-Supsa neft ixrac boru kəməri layihəsinə start verilib.

Uzunluğu 830 km, layihə gücü ildə 5,1 mln. ton, gündəlik maksimum ötürmə gücü 115 min barel olan bu kəmərin istismara buraxılması ilə Şərqlə Qərbi birləşdirən enerji dəhlizinin təməli qoyulub. 1999-cu il aprelin 17-də Supsada Azərbaycan, Gürcüstan və Ukrayna prezidentləri, habelə ABŞ prezidenti və dövlət katibinin Xəzər regionu üzrə xüsusi müşavirinin iştirakı ilə Qərb ixrac boru kəmərinin və Supsa terminalının rəsmi açılış mərasimi baş tutub.

Bakı-Supsa Azərbaycanı dünya bazarına müstəqil marşrutla çıxaran və enerji təhlükəsizliyinə beynəlxalq dəstəyi təmin edən ilk kəmərdir. Bakı-Supsa kəməri istifadəyə verildiyi vaxtdan bu günədək bu marşrutla 76,3 mln. ton neft nəql olunub.