Ştaynmayer Azərbaycana səfərə gəlir

ATƏT-in fəaliyyətdə olan sədri, Almaniyanın xarici işlər naziri Frank Valter Ştaynmayer iyunun 30-da Azərbaycana səfər edəcək.

APA-nın diplomatik mənbələrdən əldə etdiyi məlumata görə, Almaniya XİN rəhbərinin ölkəmizdə bir sıra rəsmi görüşləri planlaşdırılıb.

Danışıqlarda Dağlıq Qarabağ münaqişəsinin nizamlanması və Azərbaycan-ATƏT əməkdaşlığı əsas müzakirə mövzusu olacaq.

Cənubi Qafqaz ölkələrinə səfər çərçivəsində ATƏT sədrinin Gürcüstan və Ermənistanda da baş çəkəcək.