Putin: "Azərbaycan istədiyi yerdən silah almaq iqtidarındadır"

"Report"un TASS-a istinadən verdiyi xəbərə görə, bu barədə ermənistanlı həmkarı Serj Sarqsyan ilə keçirdiyi birgə mətbuat konfransında Rusiya prezidenti Vladimir Putin Ermənistana və Azərbaycana silah satışı ilə bağlı suala cavab verərkən deyib.

Rusiya lideri vurğulayıb ki, bu gün müasir silah bazarında istənilən ölkə praktiki olaraq hər bir silahı ala bilər: "Misal olaraq deyə bilərəm ki, neft hasilatçısı, inkişaf edən iqtisadiyyata malik, böyük qızıl və valyuta ehtiyatlarına sahib olan Azərbaycan əlbəttə ki, istədiyi yerdən silah almaq iqtidarındadır".