"Dağlıq Qarabağda yerləşdirilən suriyalı ermənilər qaçırlar"

ANN.Az report-a istinadən bildirir ki, bunu Dağlıq Qarabağın Azərbaycanlı İcması İctimai Birliyinin rəhbəri, Şuşa rayon İcra Hakimiyyətinin başçısı Bayram Səfərov jurnalistlərə açıqlamasında deyib.

O bildirib ki, Ermənistan hakimiyyəti və erməni lobbisi Suriyada yaşayan erməniləri aldadıb Dağlıq Qarabağa və işğal olunmuş digər bölgələrə gətirirlər: "Onlar da burada çox qalası deyillər. Çünki kapitalizmə uyğun şəraitdə yaşayan biri gəlib Ermənistanın əsirliyində yaşaya bilməz. Onların hamısı müstəqil yaşayıb və ərəb ölkəsində heç də kasıb olmayıblar. Onları aldadıb buraya gətirərkən əllərindən sənədlərini alıb sərhəddə postda dayandırırlar. Ona görə də onların əlinə fürsət düşən kimi xarici ölkələrə qaçırlar".