Misirin Azərbaycandakı səfirliyində dövlət bayrağı endirilib

ANN.Az xəbər verir ki, Misirin Azərbaycandakı səfirliyindən Report-a verilən məlumata görə, matəm üç gün davam edəcək.

Xatırladaq ki, aprelin 9-da Misirdə xristian-qibtilərin kilsələrində törədilmiş iki partlayış nəticəsində azı 43 nəfər ölüb. Ölkənin Səhiyyə Nazirliyinin məlumatına görə, 27 nəfər Tantadakı, 16 nəfər, o cümlədən üç polis isə İsgəndəriyyədəki kilsədə baş verən partlayışda həlak olub. Həmçinin 78 nəfərin Tantada, 40 nəfərin isə İsgəndəriyyədə yaralandığı barədə məlumat verilib. Hücuma görə məsuliyyəti üzərinə İŞİD terror qruplaşması götürüb.