Sarkisyandan son döyüş əmri

Ermənistanda hərbi vəziyyəti hökumət tətbiq edəcək

Serj Sarkisyan yenidən hakimiyyətə can atır.

Anews.az İstiPress-ə istinadən xəbər veir ki, Ermənistanda hərbi vəziyyəti indi prezident yox, hökumət tətbiq edəcək. Bəllidir ki, gələn ildən sonra dövlət başçısı İngiltərə kraliçası kimi yalnız təmsilçilik funksiyası daşıyacaq, hakimiyyət isə baş nazirin əlində cəmlənəcək. Serj Sarkisyan da məhz baş nazir olmaq istəyir və bunun üçün çox iş görüb. Hər şeydən öncə parlament seçkiləri keçirib.

Bu barədə Avropa İttifaqının Ermənistandakı səfiri Svitalski bunları demişdi: "Parlament seçkiləri seçki rüşvətləri və təzyiqlərlə yadda qalan oldu, özü də yalnız dövlət məmurlarına təzyiqlərlə kifayətlənmədilər. Seçkilər mükəmməllikdən çox uzaq idi”.

Bu, Ermənistanın hakim dairələrini çox əsəb yaradırdı. Dünən ədliyyə naziri David Arutunyan bildirib ki, xarici diplomatlar Ermənistanın seçki prosesinə qarışmamalıdırlar. "Bu, bizim daxili işimizdir” demişdi. Bəs, onda Avropa Birliyindən, MDB-dən olan müşahidəçi missiyaları nə olsun?

İndi Sarkisyanın cibində sözəbaxan parlament var. Daha sonra o, əsasən Qarabağdan olan adamlarını əsas vəzifələrə yerləşdirdi. İndiki baş nazir də Serj Sarkisyanın yerlisidir. Onu təyin edəndə hətta bilərəkdən dezinformasiya buraxmışdılar ki, o, kabinetində özünü gözdən salmış məmurlar olduğuna görə istefaya getmək istəyir. Amma sonradan baş nazir bəyan etdi ki, onun prezidentlə gözəl münasibətləri var və bir-birlərində ayrı yaşaya bilmirlər.

İrəvanda politoloqlar çoxdan deyirlər ki, Ermənistanın sayca üçüncü prezidenti sələfləri kimi hakimiyyətdən birdəfəlik getməyəcək, o, siyasi səhnədə qalacaq. Gələn ildən Ermənistan parlament respubilkası olacaq və baş naziri xalq seçməyəcək, onu sözəbaxan parlament seçəcək. Bu vəzifədə isə Sarkisyan ömrünün sonuna kimi otura bilər. Onda erməni xalqının axırı nə olacaq? Hə, bu, tamamilə başqa kinodur. Yerli ekspertlər sanır ki, heç nə yaxşı olmayacaq.
www.anews.az