Qənirə Paşayeva barədə yalan yayan kimlərdir?

 

 

O özünün facebook səhifəsində yazdığı statusda daha sonra qeyd edib: "Bu tərbiyəsizlərin ailəsində, nəslində şəhid varmı bilmirəm amma mənim çoxdur. Mən Azərbaycan Türküyəm. Çox şükür, əslimi-nəslimi də bilənlərdənəm. Bu günə qədər də əlimdən nə gəlibsə ölkəm üçün, Qarabağ davamız üçün etməyə çalışmışam. Bu adamlara bircə şey demək istəyirəm. Bu qədər çirkinləşməyin. Amma təbii ki, bu mənəviyyata sahib insanlara bu sözlərin bir təsiri ola bilməz.

 

Neçə illər öncə qardaş Türkiyədə etdiyim bir çıxış zamanı Qarabağ problemindən danışdıqdan sonra Ermənistanı işğalçı adlandırıb sərt tənqid etdikdən sonra (internetdə videoları da var) bir adamın hamının yanında yaxınlaşaraq türkcə siz tamamilə haqlısınız, dediklərinizlə razıyam, sizin və bütün azərbaycanlıların yaşadığı üzüntülərdən dolayı çox üzgünəm, sizin əlinizdən öpmək istəyirəm deyib əlini uzatdıqda hər kəsin içərisində "pasportunuzu verin baxım görüm sizin ad-familyanız nədir" deməliydim? İndi həmin vaxt tədbirdən yayılmış şəkillərin içindən seçib başına adımdan yalan yazılar yazıb paylaşıb guya mənə zərər vurmaq istəyir mənəviyyatdan yoxsul bəzi insanlar. Bir də ki, çıxışınızla düşmən millətin mənsubunun hər kəsin içərisində sizdən, xalqınızdan üzr istəməsinə həyatda heç nail olubsunuzmu onu da bilmirəm... Hər halda mən eşitməmişəm. Kaş bu ölkə üçün siz də bir şey etmiş olsaydınız bəlkə məni etdiyiniz bu çirkinliklər bu qədər yandırmazdı. Ən azı mənə milli insan necə olmalıdır dərsi keçmək üçün mənəvi haqqınız vardı deyərdim..."