Vladimir Putin Səudiyyə Ərəbsitanı kralı ilə görüşüb

Rusiya prezidenti Vladimir Putin Səudiyyə Ərəbistanı kralı Salman bin Abdel Əziz əl-Səudla görüşüb.

"Report” "RİA Novosti”yə istinadən xəbər verir ki, V.Putin Moskvada baş tutan görüşdə müzakirə edilən məsələlərdən danışıb.

"Səudiyyə Ərəbistanı kralı Salman bin Abdel Əziz əl-Səudla görüşümüz əhatəli, konkret oldu. Biz ikitərəfli münasibətlərdən və bölgədəki vəziyyətdən danışdıq”, -deyə Rusiya prezidenti vurğulayıb.

Qeyd edək ki, Səudiyyə Ərəbistanının kralı Salman bin Abdel Əziz əl-Səud ölkə tarixində Rusiyaya səfər edən ilk kraldır.