Ərdoğanın Azərbaycanda səfər proqramı açıqlandı

Anews.az "Anadolu" agentliyinə istinadən xəbər verir ki, dövlət başçısı Bakıya oktyabrın 30-da gələcək. 

R.T.Ərdoğan həmin gün Bakı-Tbilisi-Qars dəmir yolu xəttinin ilk səfərinin açılış mərasiminə qatılacaq. Bu mərasimdə Azərbaycan prezidenti İlham Əliyev, Türkiyə prezidenti Rəcəb Tayyib Ərdoğan, Qazaxıstanın dövlət başçısı Nursultan Nazarbayev və Gürcüstanın baş naziri Gerogi Kvirkaşvili də iştirak edəcək.

Oktyabrın 31-də isə Bakıda Azərbaycan-Türkiyə Yüksək Səviyyəli Strateji Əməkdaşlıq Şurasının 6-cı toplantısı keçiriləcək. Türkiyə prezidenti iclasda iştirak edəcək.