Erməninin Bakı biznesi

"Yandex.Taksi” "Uber"lə birləşir. İstiPress-in BBC-yə istinadla verdiyi məlumata görə, Rusiyanın Federal Antiinhisar Xidmətinin online taksi sifarişi xidməti ilə ABŞ-ın qlobal "Uber” xidmətinin bizneslərinin birləşdirilməsinə dair müraciəti təmin edib. Adıçəkilən xidmətin məluma tına görə, hazırda bazarda müxtəlif sahələrdən olan oyunçuların birləşməsi və rollarının artması tendesiyası müaşhidə edilir. 

Birləşmə Rusiya, Belarus, Qazaxıstan, Gürcüstan, Azərbaycan və Ermənistandakı sərnişindaşıma bazarına aiddir. "Uber” 225 milyon dollar, "Yandex.Taksi” 100 milyon dollar sərmayaə qoyacaq. Lakin birləşən şirkətlərin səhmlərinin 59 faizi "Yandex"ə, 36.6 faizi isə "Uber"ə məxsus olacaq. 

Müqaviləyə əsasən göstərilən ölkələrdə online taksi sifarişi biznesi ilə məşğul olmaq üçün ortaq şirkət yaradılır və ona rəhbərliyi Tiqran Xudaverdiyan edəcək. 

"Yandex.Taksi" xidməti Rusiyada 2011-ci ildən fəaliyyət göstərir. Adıçəkilən xidmətin rəhbəri erməni Tiqran Xudaverdiyandır. O, 1981-ci ildə İrəvanda doğulub.

"Uber" bundan iki il sonra Rusiya bazarına daxil olub. 

Bundan əvvəl Bakı Nəqliyyat Agentliyi bildirmişdi ki, "Yandex.Taksi” və "Uber” şirkətlərinin Azərbaycanda ortaq biznes aparması əngəllənəcək, sürücülər erməni biznesmenlə ortaq olan "Uber”lə əlaqəni kəsməyə çağırılacaq.