Əfqanıstan prezidenti Bakıdadır

Əfqanıstan İslam Respublikasının prezidenti Məhəmməd Əşrəf Qani Azərbaycana işgüzar səfərə gəlib.

İki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Əfqanıstan prezidentini hava limanında Azərbaycan maliyyə naziri Samir Şərifov, Azərbaycanın Türkmənistan və Əfqanıstandakı səfiri Həsən Zeynalov və digər rəsmi şəxslər qarşılayıblar.

Səfərin məqsədi dekabrın 1-də Bakıda keçiriləcək "Asiyanın ürəyi-İstanbul prosesi”nin iclasında iştirak etməkdir. Səfər çərçivəsində onun Azərbaycan prezidenti İlham Əliyev və digər rəsmilərlə görüşləri nəzərdə tutulur.