AŞPA erməniləri məyus etdi

Avropa Şurası Parlament Assambleyasının (AŞPA) dünən keçirilən sessiyasında “Dağlıq Qarabağda və Azərbaycanın işğal edilmiş digər ərazilərində gərginliyin artması haqqında” hesabatın hazırlanmasına dair qərar qəbul edilib.ANS PRESS-in məlumatına görə, Ermənistan deputatlarının müqavimətinə baxmayaraq qərar qəbul edilib. AŞPA siyasi komitəsinin oktyabrın 1-də baş tutacaq iclasında bununla bağlı məruzəçinin seçilməsi məsələsi müzakirəyə çıxarılacaq. Ümumiyyətlə, 2005-ci ilin yanvarında AŞPA lord Atkinsonun hesabatı əsasında Dağlıq Qarabağa dair qətnamə qəbul edib. Sənəddə erməni işğalı pislənilir, Azərbaycanın ərazi bütövlüyünün bərpası tələb olunur. Bu qətnaməyə uyğun olaraq, AŞPA-da Azərbaycan, Ermənistan və digər ölkələrin deputatlarının iştirakı ilə Dağlıq Qarabağ üzrə alt komitə yaradılıb. Lakin son illər erməni nümayəndə heyəti alt komitənin işini əngəlləyib.ANN.Az