Fazil Məmmədov xəstəxanaya yerləşdirildi - AÇIQLAMA

Uzunmüddətli müalicə prosesindən sonra sağlığına qovuşan eks-vergilər naziri Fazil Məmmədovun səhhəti yenidən pisləşib. Gəncə Beynəlxalq Hospitalına yerləşdirilən F.Məmmədovun vəziyyətinin ağır olduğu bildirilir.


Məsələ ilə bağlı Gəncə Beynəlxalq Hospitalından Modern.az-a verilən məlumata görə, hazırda Fazil Məmədovun səhhəti normaldır:


"Fazil Məmmədov xəstəxanaya qastrit diaqnozu ilə daxil olub. Gətirilərkən vəziyyəti nisbətən ağır idi. Lazımi müayinə və müalicələrdən sonra hazırda səhhəti normallaşıb. Əməliyyat olunması planlaşdırılmır”.


F.Məmmədov Gəncə Beynəlxalq Hospitalında tibb elmləri üzrə fəlsəfə doktoru İlyas Həsənovun nəzarəti altındadır.


Qeyd edək ki, F.Məmmədov pankreatit xəstəliyindən əziyyət çəkir. Bu səbəbdən də uzun müddət Türkiyədəki "American Hastanesi”ndə müalicə alıb.

www.anews.az