İlham Əliyevin səfirləri nə üçün çağırdığı məlum oldu

Prezident İlham Əliyevin iştirakı ilə Azərbaycanın xarici ölkələrdə fəaliyyət göstərən səfirlərinin Bakı görüşü iyulun 9-da keçiriləcək. Bu barədə AzVision.az-a açıqlamasında Azərbaycanın Pakistandakı səfiri Daşqın Şikarov məlumat verib.Səfir bildirib ki, diplomatların Bakıya gəlməsi xüsusi çağırış deyil, səfirlərin prezidentin iştirakı ilə keçirilən növbəti müşavirəsidir:“İyulun 9-u həm Xarici İşlər Nazirliyinin 95 illik yubileyidir, həm də hər iki ildən bir səfirlərin müşavirəsi keçirilir. Səfirlərin Bakıda toplanması xüsusi çağırış deyil. 7-9 iyul tarixlərində Bakıda səfirlərin növbəti müşavirəsi olacaq”, - deyə D.Şikarov vurğulayıb.Qeyd edək ki, 9 iyul Azərbaycanda diplomatiya günü kimi qeyd edilir. Azərbaycan Demokratik Respublikasının (ADR) Xarici İşlər Nazirliyi 1918-ci ildə təyin olunsa da, rəsmi sənəd yalnız 1919-cu ildə imzalandığı üçün bu gün diplomatiya günü tarixə düşüb.Xatırladaq ki, Azərbaycanın diplomatik xidmət orqanları rəhbərlərinin IV müşavirəsi 2012-ci ilin iyul ayının 9-da keçirilmişdi.ANN.Az