Erməni general Qarabağ müharibəsində “İsgəndər” raketin tətbiq etdiyini açıqladı

Mətbuat konfransında jurnalistlər ondan müharibə zamanı Ermənistanın niyə "İsgəndər” komplekslərini tətbiq etmədiyini soruşublar. Movses Akopyanın cavabı belə olub: "Tətbiq edilib, amma deyə bilmərəm hansı istiqamətdə”.

Qeyd edək ki, hərbi əməliyyatların gedişində Azərbaycan ordusu Ermənistan ərazisində, dövlət sərhədinə yaxın start mövqelərinə çıxarılmış düşmən operativ-taktiki raket kompleksini, o cümlədən "Skad” ballistik raket kompleksini dəqiq zərbə ilə məhv etmişdi. Bu preventiv addım Ermənistanın Azərbaycanın dinc yaşayış məntəqələrini ballistik raketlərlə atəşə tutmasına cavab olaraq atılmışdı. O vaxt Rusiya mənbələri Azərbaycan ordusunun vurduğu komplekslərdən azı birinin "İsgəndər” olduğunu yazmışdı, Azərbaycan Müdafiə Nazirliyinin yaydığı görüntülərdən də tam aydın olmasa da , hədəfin "İsgəndər” olduğu görünürdü.
 

www.anews.az