"Kəlbəcərdə qızıl ehtiyatlarına dair axtarış işlərinə başlanılıb" -Nazir

İşğaldan azad edilən Kəlbəcərdə böyük qızıl ehtiyatlarına malik Tutxun təzahüründə artıq geoloji-axtarış işlərinə başlanılıb,bunu ekologiya və təbii sərvətlər naziri Muxtar Babayev UNEC Iqtisadi Forumu çərçivəsində "Qarağa böyük qayıdış" adlı paneldə çıxışı zamanı bildirib.

"Zərqulu, Qızılitən, Qərbi Qızılitən və Qazıxanlı sahələri üzrə geoloji və geofiziki işlər davam etdirilir. Kəlbəcərdə yerləşən filiz yataqlarının öyrənilməsi, tədqiqi, kəşfiyyatı, işlənməsi və istismarı ilə əlaqədar Türkiyənin "Cengiz Holding” qrupuna daxil olan şirkətlərlə uzunmüddətli müqavilələr bağlanıb. İmzalanan müqavilələrin predmeti də məhz işğaldan azad olunmuş ərazilərimizdə dağ-mədən fəaliyyətinin başlanmasıdır. Layihələrin reallaşdırılması regionun təbii ehtiyatlarından səmərəli istifadə edilməsi və iqtisadi dövriyyəyə cəlb olunması, iqtisadiyyatının canlanması baxımından mühüm önəm kəsb edir. Bu eyni zamanda həmin ərazilərdə yeni müəssisələrin və iş yerlərinin açılmasına töhfə verəcək", deyə nazir qeyd edib.

 

Gülnar Nazimqızı