Dağlıq Qarabağda müharibə yenidən başlaya bilərmi?

 

Bəs atəşkəsin pozulması Azərbaycanla Ermənistan arasında müharibənin yenidən başlanmasına işarədirmi?

 

Sözügedən məsələ ilə bağlı siyasi şərhçi Rauf Mirqədirov anews.az-a açıqlamasında bildirib ki, Azərbaycanla Ermənistan arasında  hərbi əməliyyatlara yalnız Rusiyanın istəyi ilə başlanıla bilər. Rusiyanın isə  başı Ukrayna ilə müharibəyə qarışıb. 

 

 ''Buna Rusiya tərəfi xüsusi nəzarət edir. Hazırda Rusiya ilə Ukrayna arasında davam edən müharibə buna şərait yaratmır'', -  Mirqədirob bildirib.

 

Hərbi ekspert Ramil Məmmədlinin fikrincə,  Ermənistan tərəfinin  əsas məqsədi vəziyyəti gərgin saxlamaqdır. Regionda müharibənin olması gözlənilmir.

 

''Ermənistanın məqsədi qalmaqal yaradıb, beynalxalq təşkilatlara münaqişəni qəbul etdirməkdir.  Bu birmənalı təxribatdır, müharibə gözlənilmir'',  - hərbi ekspert bildirib.

 

Amma millət vəkili Elman Nəsirovu sözlərinə görə,   müharibənin yenidən ermənilər tərəfindən başlanması gözləniləndir. 

 

''Ermənistana  məxsus hərbi birləşmələr Azərbaycan ərazisində qalmaqda davam edir.  44 günlük müharibə başa çatsa da bu məsələ ilə maraqlanan yoxdur. Bu səbəbdən də müxtəlif təxribatlar törədirlər. Biz köklü təmizlik işləri görməliyik, erməniləri  torpaqlardan tamamilə təmizləməliyik. Bunu müharibə adlandırmaq olmaz. Bu anti-terror əməliyyatı hesab olunur. Ermənilər tərəfdən müharibən təhlükəsi hələ sovuşmayıb'', - Nəsirov  bildirib.